閨•家 (西九龍中心) (已結業)

閏家聽左好耐，好多好評，今次終於去試下，去咗深水埗分店，位於西九龍中心3樓。去到嘅時候已經有啲人喺度排隊，可以睇到佢係幾咁受歡迎。佢嘅價錢唔貴，一般來講，由$40幾至$50幾連埋個湯，加$5有熱飲加$7有凍飲。今時今日真係算抵。麻辣口水雞飯個醬汁做得好食，辣之餘仲有啲酸酸地既味，但係隻雞就煮得唔夠滑。咖喱豬扒飯佢嘅咖喱汁可以揀辣到，我就試咗中辣，個汁煮得好食，送飯一流。豬扒都唔錯仲有好多蘿蔔同薯仔。如果佢嘅豬扒可以切細塊啲就更加好。麻辣雞腎佢嘅雞腎就成日都聽，今次終於可以試吓。$28但係份量覺得非常之多，佢加上啲蒜蓉喺面，好好食 食落好開胃，必點。加左$12 有個菜例湯佢嘅湯都幾鮮甜，唔錯唔錯。下次可以試吓佢單點嘅湯，應該會幾正。