baby café (已結業)

星期日煩著今晚家庭聚會的地點，大家都吃厭了中菜及薄餅但又要照顧老少的口味，真的令我想了大半天，終於把心一横決定吃西式嘢，咁老爺奶奶都會有點新鮮感，記得早日行過 iSquare 的 Monster Sushi 隔離新開左間 Baby Café 就打去訂枱。 服務員安排左個圓波波的卡位令囝囝好興奮地跳左入去坐，重話入左太空船喎，真好笑！大家都覺得呢個位好好，咁我都放下心頭大石。我哋叫左鵝肝墨汁意大利飯、Angel 三食及燒黑豚西冷配香草蕃茄汁，為左照顧小朋友就加左個小食拔絲雞翼同薯角。大家都對啲食物好滿意，尤其是個拔絲雞翼同 Angel三食，重叫埋個 Baby三食添，個黑松露炒蛋就比囝囝一個人食哂，佢話好味過嫲嫲整嗰個好多呀，比佢激死….哈哈哈！我個人就梗係留番個 quota 食 dessert ，由於奶奶好鍾意無花果所以就叫左個無花果 Mousse Tart 同埋叫埋我最意的 Traditional Tiramisu，一食落個 Tiramisu 真係好傳統嗰種，好軟滑同埋好有酒味，正呀！