囍八方 (差館上街)

營業中

休息中

😍屋企附近開咗呢間裝修好紅，好吸引人眼球嘅餐廳✨入到去店員態度好好，即刻招呼我哋坐低，聽到佢同廚房講嘢嘅對話，似係家庭式經營，一家人齊心合力，非常溫馨❤️佢哋嘅餐牌有麵、湯餃、煎餃等等，仲有啲特色飲品❤️自家製豬軟骨鮮蝦菠菜餃米線配麻辣雲耳青瓜滷水蛋～豬軟骨一睇色水，就知滷得非常入味，食落去果然不出我所料 ，味道調得啱啱好，唔會太鹹太重味，入口夠軟腍，非常正👍鮮蝦菠菜餃大大粒，中間鮮蝦好爽口菠菜又好嫩口 ，配菜亦都整得好用心，青瓜同滷水蛋嘅味道都唔錯，四川風味，凍冰冰，好開胃！❤️骨膠鮮魚湯粟米香菇鮮豬肉餃 ～骨膠原鮮魚湯飲落去膠原滿滿嘅感覺，好滋補，而且味道好天然，完全冇味精❤️老上海雲吞仔～如果要我用四個字形容呢一個雲吞仔就一定係皮薄餡靚，一啖一粒，非常好食😋❤️煎松茸餃～松茸係貴價嘅食材，有滋補養生嘅功效，呢度煎得非常香脆，而且味道香濃，小朋友都好中意😍