祥景茶餐廳 (已搬遷) 新店位置

親戚搬左去良景邨都三年幾，這兒有間茶餐廳，經濟抵食，飯餸份量足，出品夠水準。晚市$59 住家餸送客飯，抵食啦！今日晚餐仲有豉汁蒸鯧魚，正！條魚好滑，豉汁夠惹味，撈魚汁佐飯最好味！XO醬脆玉瓜炒蝦仁，又係好惹味，蝦雖然係雪藏貨，無咩鮮味，勝在夠爽，另外脆玉瓜好脆，味道唔算好咸，唔肥膩，幾清新。仲有叫左個西蘭花椒鹽肉排，西蘭花好爽夠香口，肉排腍滑帶少少辣，家常餸呢個價錢，超值。P.S 呢間D奶茶好出名，黑白奶沖，夠滑夠香，今晚我都忍唔位叫左杯。