牛扒先生 (新都會廣場) (已結業)

約咗媽咪同埋細佬出去葵芳搵食，平時我哋都好鍾意去飲茶。今日媽咪佢話，想試吓呢間牛扒先生，見到佢午餐都唔貴，就去享受一下吧☺️都算係自助餐嘛。選擇都幾多我叫咗羅勒蕃茄焗紐西蘭魚柳。味道清清地，羅勒同埋蕃茄味都唔算出，如果可以多番少少橄欖油味會好啲，因為係焗嘅所以啲汁都仲有喺度，不過唔係唔好食喎又幾好食，有少少香草味。👍🏻細佬嘅澳洲肉眼扒，叫咗5成，同平時一樣牛味都幾重，因為係肉眼，上碟嗰陣仲係好熱👍🏻切開有肉汁流出👍🏻媽咪叫嘅海陸空拼盤，不過不失啦，烤雞我話想食㗎，但食落有少少乾，可能係拼盤所以質素冇咁高。最令我驚喜嘅係佢嘅甜品！😘本身以為有Tiramisu,但係冇。竟然俾我發現佢有麵包布甸！呢個都係我至愛。仲有木糠布甸😍佢個麵包布甸係幾正宗嘅，有提子乾，麵包同布甸比例啱啱好，佢放喺一個熱架上面，所以食落係暖👍🏻👍🏻👍🏻呢個位要讚，如果玉桂味再多啲會好啲。熱食嘢OK，甜品我encore左三四次😂👍🏻如果屋企人想再嚟可以嚟。