方叔叔重慶老火鍋 (PopCorn 2) (已結業)

同朋友們去長洲camping燃燒青春後，竟然仲有氣力去宵夜邊爐。夜晚9點後邊爐有88折，我哋返咗屋企各自休息吓後又出動。叫咗鴛鴦鍋底，一邊辣，一邊芫荽皮蛋。另外啤酒暢酒$68位，我哋只有2個飲就只叫2位，因為好多餐廳都要全枱一齊叫先可以有呢啲優惠。食物方面，叫咗滑牛，小牛排，毛肚，豆皮，皇帝菜，五花肉，九菜餃，鴨血，鱔片等大路嘢。第一次試牛肝，建議時間係淥2分鐘，有計時器提供，都幾好食，無內臟嘅怪味，跟佢建議時間啱啱好，再會有一碟干料（花生碎，辣椒粉）點住食，都值得一試。