美心西餅 (已結業)

放工經過美心西餅見到3.9牛乳瑞士卷，個樣成隻乳牛咁，黑黑白白色，一心諗住未試過，就買個返去食啦，夜媽媽夜闌人靜， 肚仔有啲餓喎， 就攞條瑞士卷出嚟食， 食落口淡淡牛乳香，食落個感覺好似飲緊北海道某牌子牛奶咁，又香又滑，最得人鍾意嘅地方，佢唔算太甜味道啱啱好， 蛋糕鬆軟唔黐牙， 完全冇發粉嘅味道，感覺同自家製出品一模一樣， 估唔到大集團而家嘅質素都咁好， 難怪小店生存嘅機會越嚟越低。