呂仔記 (已結業)

今日早左食飯，所以九點幾就心思思好想再食嘢，落到樓下見到呢間餐廳仲好熱鬧，就入去趁下熱鬧，街坊餐廳就係有親切嘅感覺。坐低之後叫咗由細到大最鍾意食嘅燒賣，一啲都無令人失望，燒賣嘅肉質彈牙，又夠晒熱。之後仲叫多一碟魚蛋，魚蛋肉質彈牙不在話下，果汁啱啱好，食完都唔覺喉嚨唔舒服，證明味精唔算太勁。臨走前叫多碗綠豆沙降下火，料好足，綠豆煲到綠豆蓉咁嘅樣，唔太鍾意甜食嘅我覺得味道啱啱好，下火之選！呢個豐富嘅宵夜，簡直可以媲美一頓晚餐！