串燒堂 (已結業)

早排去咗朋友屋企，夜麻麻口痕想食串燒，搵到呢間串燒店，價錢都算經濟～ 味道都唔錯！法式鵝肝多士見到已經流晒口水，鵝肝油香十足，食落接近入口即溶！夾埋多士一齊食冇咁油膩，忍唔住叫多咗一round😆 高質之選！燒特色土豆片次次食親串燒都會叫土豆片🤣 表面灑上孜然粉，土豆片非常爽口，夠曬惹味燒美味玉子燒玉子燒好厚身，表面微微燒焦，焦香十足，蛋煮得啱啱好，唔會過老！蒜蓉燒原條魷魚開頭驚會好韌，食落口感十足，夠曬彈牙，表面有蔥花同蒜蓉，正！餸酒一流！燒四季豆、燒翠玉瓜當然要食返啲菜～ 表面加左好多辣粉，非常過癮！-串燒堂 (西環)📍西環堅尼地城荷蘭街1A-1G號太康大廈地下D號舖