影片
更多
2023-01-31
68 瀏覽
光顧間晚上九時半， 成人價加埋一$196位，任飲任食兩個鐘，這晚我同老公食到捧住個肚走，食咗好多嘢，好滿足！一入到餐廳一條長長帶走廊，左右兩邊都放滿咗自助美食，生嘅 熟嘅 鹹嘅 甜嘅 樣樣齊。 感覺食自助餐差唔多，不過這裏有埋韓燒及火鍋提供，選擇更多樣化。不得不提，餐廳仲有提供日式料理，有我最鍾意食嘅刺身同壽司，刺身每次只可以拎三款， 最令我驚喜嘅係佢隻刺身蝦好大隻，啖啖肉，味道好鮮甜。海鮮類有凍蝦提供，凍蝦算高質，起碼肉質是彈牙的，吃得太飽太濟，亦都可以攞啲沙律菜拌燒肉，清清腸胃，去除油膩感。韓國及日式前菜，個人很喜歡韓國泡菜配燒肉一起吃，另外還有日式螺肉/涼拌蓮藕，整體味道都好正宗。50款以上各式牛肉、豚肉、雞肉、魚類、火鍋丸類及蔬菜類。 每種食材都可以因應個人口味選擇燒烤吃法或打邊爐亦可，部分肉類已經醃製調味好，相當入味，而且口味選擇都幾多樣化，好似雞翼咁 有辣有唔辣任君選擇。無論是韓燒或是火鍋食材種類非常多，雖然係放題，但係食物質素一點也不馬虎，就好似要嚟打邊爐嘅肥牛咁，熟半肥瘦，色澤紅潤，一睇就知好新鮮。一張枱有齊韓燒爐及電磁爐，可以一次過滿足韓燒及火鍋嘅慾望。 雖然今餐全晚
一入到餐廳一條長長帶走廊，左右兩邊都放滿咗自助美食，生嘅 熟嘅 鹹嘅 甜嘅 樣樣齊。 感覺食自助餐差唔多，不過這裏有埋韓燒及火鍋提供，選擇更多樣化。
不得不提，餐廳仲有提供日式料理，有我最鍾意食嘅刺身同壽司，刺身每次只可以拎三款， 最令我驚喜嘅係佢隻刺身蝦好大隻，啖啖肉，味道好鮮甜。
海鮮類有凍蝦提供，凍蝦算高質，起碼肉質是彈牙的，吃得太飽太濟，亦都可以攞啲沙律菜拌燒肉，清清腸胃，去除油膩感。
韓國及日式前菜，個人很喜歡韓國泡菜配燒肉一起吃，另外還有日式螺肉/涼拌蓮藕，整體味道都好正宗。
50款以上各式牛肉、豚肉、雞肉、魚類、火鍋丸類及蔬菜類。 每種食材都可以因應個人口味選擇燒烤吃法或打邊爐亦可，部分肉類已經醃製調味好，相當入味，而且口味選擇都幾多樣化，好似雞翼咁 有辣有唔辣任君選擇。
無論是韓燒或是火鍋食材種類非常多，雖然係放題，但係食物質素一點也不馬虎，就好似要嚟打邊爐嘅肥牛咁，熟半肥瘦，色澤紅潤，一睇就知好新鮮。
一張枱有齊韓燒爐及電磁爐，可以一次過滿足韓燒及火鍋嘅慾望。 雖然今餐全晚都好忙，又要望住燒，又望住食，但係真係好滿足。
燒五花腩超好食，肥瘦均稱梅花間竹，燒到表層有少少焦脆效果非常香口 ，肉質有咬，而且非常juicy。
最後一定要留肚食甜品，餐廳除咗有提供自家製甜品之外亦都有現成嘅雪糕雪條提供，個人好喜歡自家製啫喱，煙韌有咬口，有多款口味提供，味道又唔會太甜。
張貼
