影片
更多
2015-06-28
421 瀏覽
記得上次來這裡食午飯, 是約了地產代理睇金尖沙咀區的三線鋪位, 無合心水, 就轉睇二線, 才知道原來金馬倫道也只可稱得上是二線, 之前樓下隔幾個位的英記茶莊, 面積約六、七百尺, 一個月廿四萬租, 超乎晒預期想像力的租金. 心諗, 賣茶可以賺咁多錢咩...., 原來…非也... 鋪位是英記茶莊的自置物業, 生意一直都蓋不過市場租值, 所以寧可賣走或放租, 還記得....當時地產代理好誠懇地同我講, 業主唔一定要"租"既, 如果真係好啱心水, 買都得架.... 億八, 銀行估足價, 依家真係好抵…... 我傻笑咗兩聲, 然後唔知點回應了....食過兩次午飯和一次晚飯, 今次已經是第三次幫襯, 所以無噏風可發... 上次來之時, 還未有宵夜特價時段, 現在逢星期日至四, 晚上九時後有七折優惠, 可以食得更暢快.朝日生啤($45), 朝日啤酒廣告推廣介紹, 好像是七成啤酒三成泡的黃金比例, 這杯好像變成八二了…哈哈… 但今天的七三或八二, 不是我關心的問題, 街上33°C的氣溫, 最緊要雪得夠凍, 一啖入口, 立即透心涼.柚子蝦沙律($88), 泰國菜的清新頭盤, 用的雖不是泰國柚, (泰國
食過兩次午飯和一次晚飯, 今次已經是第三次幫襯, 所以無噏風可發... 上次來之時, 還未有宵夜特價時段, 現在逢星期日至四, 晚上九時後有七折優惠, 可以食得更暢快.
朝日生啤($45), 朝日啤酒廣告推廣介紹, 好像是七成啤酒三成泡的黃金比例, 這杯好像變成八二了…哈哈… 但今天的七三或八二, 不是我關心的問題, 街上33°C的氣溫, 最緊要雪得夠凍, 一啖入口, 立即透心涼.
柚子蝦沙律($88), 泰國菜的清新頭盤, 用的雖不是泰國柚, (泰國柚顏色偏橙紅色), 但不失清甜多汁，中國柚味道偏酸, 其實更適宜用作沙律, 柚子的果酸和檸檬汁作調味劑, 更健康, 味道更清新天然.
炒過的新鮮大蝦, 紅洋葱碎、脆蒜片、花生碎、乾椰絲、一點點的椰汁味道, 應該還加了一點點魚露, 在泰國餐廳, 正常應用泰國魚露, 但泰國魚露味濃偏鹹, 個人口味還是偏愛越南魚露, 比較淡身清香。 柚子肉分量足, 味道酸爽, 蝦肉鮮味彈口, 配料脆而香口, 撈上檸檬汁和魚露製成的醬汁, 醒胃, 清新開胃前菜.
泰式生蝦($108), 近年食泰菜, 餐前開胃小食, 少不了泰式生蝦, 與日式甜蝦相比, 泰式生蝦有另一番風味. 生吃, 當然都是講求新鮮, 泰國草蝦, 灰色紋理, 體型中等大小的, 肉質最好最嫩, 去除蝦腸和蝦殼, 只留尾殼, 一刀擋開中間成雙飛
吃日本甜蝦, 不會覺得醬油和芥末是重點, 但泰式生蝦就不同, 生蝦當然是主角, 但絕不可忽略醬汁, 醬汁是泰式生蝦的靈魂所在.
半透明的晶瑩蝦肉, 夾著尾殼部份, 加入由青檸、蒜蓉、薑蓉、辣椒、魚露製作成的醬汁, 入口, 蝦肉爽嫩彈口, 集甜、香、酸、辣於一身, 酸度鹹度適中, 清涼暢快, 鮮味醒神. 如果加多一片薄荷葉包裹蝦一齊食, 口感將更清涼.
生醃奄仔蟹($198), 多得韓國風潮, 香港人近年多吃了”生醃蟹”菜色, 其實潮州人和上海人才是本地生醃蟹的最早輸入者, 只不過不設外售, 只招呼親友品嚐, 個人口味認為, 潮式生醃蟹偏鹹, 上海生醃蟹才稱得上鮮甜. 而兩者與泰式生醃蟹的分別是, 不論潮式或上海生醃蟹, 都是醃製一後時間後, 才拿出來吃, 但泰式醃蟹, 則如泰式生蝦一樣, 新鮮蟹 拆殼, 配上醃汁即食. 味道應該更貼近原始的蟹肉鮮味.
蟹膏多到漏出來, 入口清甜, 中辣微酸, 配以少許生蒜粒, 增加口感, 味道更佳.
南瓜海上鲜($238), 以原隻南瓜為盛載容器，但兩隻大蝦份量巨型, 大得塞不進去, 配以花枝, 魚肉, 鮮魷, 青口, 蘆筍, 和南瓜蓉, 以紅咖喱汁燜煮, 南瓜甜香, 紅咖喱的微辣, 配搭得宜, 完全沒有蓋過海鮮的甜味。價格略高，有優惠，抵翻晒。
據聞泰國菜也有一味"胡椒炒田雞", 好想食, 但未曾在香港遇到過. 這店賣的是椰芯炒田雞($128), 泰國盛產椰子, 椰芯做菜, 正常過正常, 椰芯切成好似厚身梯紋炸薯條一樣, 入口爽脆, 帶點輕微的甘味, 口感好似笋子, 但不會有老笋的韌. 最好味當然是田雞腿, 田雞腿運動量高, 肉質彈牙之餘, 不失嫩滑.
辣爆旋風螺($138), 這款菜式參考了辣酒煮花螺, 但用了大量洋蔥和薑, 醬汁杰度高, 味道超辣, 東風螺屬於中型大小, 口感佳, 彈牙不韌.
東風螺和響螺是梳堂親戚, 但響螺比東風螺貴, 然而, 響螺大隻，多用來煲湯, 雖然東風螺便宜, 但以煲仔煮辣螺菜色而然, 除東風螺外，無二選擇。
綿綿冰是台灣特產, 當然不介意加入泰式品種. 迷你西瓜殼內載著豆腐味道的綿綿冰絲, 頂部是撈出來的西瓜小波波, 放在以特大的玻璃盤上冰鎮著, 邊位再把西瓜波繞了一圈, 賣相十分吸引.
豆腐綿綿冰比近年興起的豆腐雪糕更勝一籌, 口感滑如真豆腐, 但多了一重冰冷絲絲條狀的口味, 再配以香甜西瓜, 豆腐西瓜….下次自己試一試西瓜配真豆腐, 可更有意想不到的效果.
張貼
