燒蝦蝦 (興泰大廈) (已結業)

Book左5點黎食蝦蝦燒估唔到5點黎到都已經好多人排住隊準備入去。呢到一個價錢任食海鮮，仲有燒物，炸物，雪糕，甜品，飲品方面款式都幾多，有果汁，酒類，仲有花茶沖黎飲。呢間餐廳每個位都有長長水道入面有好多生猛游緊水既蝦蝦係可以自己任夾，但太生猛，我成日都夾唔到🤣，夾到之後即刻攞冰桶浸住，凍暈d蝦，之後就可以放上爐到燒。D蝦肉質厚，幾爽口，唔錯。我地book左位，有得送鰻魚，2片和牛，同埋龍蝦🦞海鮮貝殼類郁幾多，有生蠔，鮑魚，青口，蜆，沙插，扇貝，仲有原條魚。另外仲有錫紙盤提供，可以整牛油蒜蓉粉絲，加d娃娃菜，金菇👍🏻👍🏻👍🏻之後仲可以燒下丸，燒下腸，雞全翼，牛仔骨，雞軟骨等等熟食都有幾款，當日有炒飯，粉絲蒸蝦，豬手，辣酒花螺，蒸魚，炒蜆，仲俾我發現有乳鴿，食完佢會refill另一款，的確唔錯。飲品方面，竟然有玻璃支裝維他奶，雖然得熱，但暖暖地飲 加上好耐無飲過支裝維他奶，別有一番風味🤭仲可以沖花茶飲，款式都幾多😍服務，食物質素都好好，座位都算闊落，但冷氣方面唔係咁涼，建議要再開大d冷氣（不過當日都有成36度🥹）。