甜蜜蜜甜品專門店 (已結業)

餐後對甜的要求愈來愈大，可能是壓力比從前重吧？走過幾條街，來到食街內的甜蜜蜜，隨便吃些甜品先搭車返歸。開年業多年，每次路過都爆滿小店，客人來去匆匆，二人輕易的霸下小檯，坐得好迫夾的。不懂甜藝，要在兩頁紙餐牌上揀上兩款甜品，比起寫幾圍菜仲難．．．想了想最後要了梳乎厘．青檸雪葩，朋友要了酥皮焗朱古力豆腐花。梳乎厘是即焗的，出到來漲卜卜，感覺是輕如無物，略有蛋香，是日吃得幾膩，這輕量版的梳乎厘用來過口癮還可以，青檸雪葩上面加上忌廉，很奇怪組合，撥開忌廉只吃雪葩當消膩。朋友的酥皮焗朱古力豆腐花，酥皮對食味毫無幫作，豆花本身滑有豆香，換去朱古力汁底改糖水或薑汁會更美味。吃完印象唔深，客似雲來，除地元優勢外，自家製小品也有一定叫座力，朋友作東，謝過。