影片
更多
2023-04-21
17 瀏覽
廚師發辦大家會諗起咩？10個有9個都會諗起omakase 但大家知唔知原來仲有割烹會席等等呢樣嘢嘅呢今日同朋友嚟到呢一間位於銅鑼灣永光中心嘅曜，永光中心四圍都係餐廳，想食咩類型都有，呢一間新開嘅日本菜🇯🇵確實唔太起眼，但食過就知道與別不同，更加係對日本料理方法長知識了呢一間以武士🗡️做主題嘅日本菜，裝修以黑色型格為主，更有武士模型，一入到去感覺已不一樣。店員問我哋食邊種，而無乜見識嘅我第一個想法，乜唔係omakase咩廚師發辦嘛，但原來呢度係3種唔同嘅料理，第一種就係普遍既廚師發辦，而第二種特色都係呢度獨有既就係客人發辦，統稱私房菜，廚師主張你想食咩就叫咩，所有嘢都可以同廚師溝通，都係around $800-$1000 1個人，如果一班人嚟仲可以包房，唱下卡拉ok飲下酒介紹完頭兩種，就到呢篇文嘅戲肉，即是第三種會席料理，即是宴會，同板前最唔同就係無壽司，以熱食為主，而且用嘅食材都係較為高級講究嘅🥢前菜-富士蘋果🍎配和牛西冷他他加水果蕃茄🍅用姬路和牛西冷嘅部位去做一個前菜他他配上富士蘋果絲甜甜地好開胃，他他調味都好好，夾埋紫菜食好fresh，食完之後再食一嚿蕃茄，為呢一餐打響左個頭炮🥢岩手
今日同朋友嚟到呢一間位於銅鑼灣永光中心嘅曜，永光中心四圍都係餐廳，想食咩類型都有，呢一間新開嘅日本菜🇯🇵確實唔太起眼，但食過就知道與別不同，更加係對日本料理方法長知識了
呢一間以武士🗡️做主題嘅日本菜，裝修以黑色型格為主，更有武士模型，一入到去感覺已不一樣。店員問我哋食邊種，而無乜見識嘅我第一個想法，乜唔係omakase咩廚師發辦嘛，但原來呢度係3種唔同嘅料理，第一種就係普遍既廚師發辦，而第二種特色都係呢度獨有既就係客人發辦，統稱私房菜，廚師主張你想食咩就叫咩，所有嘢都可以同廚師溝通，都係around $800-$1000 1個人，如果一班人嚟仲可以包房，唱下卡拉ok飲下酒
介紹完頭兩種，就到呢篇文嘅戲肉，即是第三種會席料理，即是宴會，同板前最唔同就係無壽司，以熱食為主，而且用嘅食材都係較為高級講究嘅
3 瀏覽
0 讚好
0 留言
🥢前菜-富士蘋果🍎配和牛西冷他他加水果蕃茄🍅
用姬路和牛西冷嘅部位去做一個前菜他他配上富士蘋果絲甜甜地好開胃，他他調味都好好，夾埋紫菜食好fresh，食完之後再食一嚿蕃茄，為呢一餐打響左個頭炮
6 瀏覽
0 讚好
0 留言
🥢岩手県米崎蠔🦪
接下來，係大大隻脹卜卜嘅蠔，鮮甜海水味濃，配上柚子醋同埋夢卜蓉，一啖食咗佢，口感豐富滿足
3 瀏覽
0 讚好
0 留言
🥢刺身-蟹腳拖羅赤貝牡丹蝦
首先係蟹腳🦀柚子醋帶出咗嗰個蟹腳嘅鮮甜味，接下來拖羅赤貝蝦嘅部份都係好新鮮
7 瀏覽
0 讚好
0 留言
🥢毛蟹杯
內裡有三文魚子，蟹肉，蟹皇，帶子，廚師用蒸毛蟹嘅水，加上大閘蟹嘅蟹黃炒香，然後再加上蟹肉帶子三文魚子等，味道層次好豐富，每一啖都食到唔同嘅味道
4 瀏覽
0 讚好
0 留言
🥢野菜煮物-小蝦丸
唔好睇住啲菜好似好少嘢咁樣，佢嘅南瓜加入高湯慢慢煮，唔會有我哋喺屋企整到爛晒，冇晒口感嘅嗰種，係淋得嚟但係又有咬口，蝦丸係完全人手打冇加入其他嘅添加物，剩係得蝦同埋鹽，手打好彈牙
9 瀏覽
0 讚好
0 留言
🥢蟹黃茶碗蒸🥚
茶碗蒸係一個好簡單嘅食材，但好食都唔簡單，個蛋好嫩滑，加上蟹膏增加咗啲鮮甜味，底下仲有栗子🌰蓉增加咗個口感，增添左個味道
3 瀏覽
0 讚好
0 留言
🥢鹽燒喜之次🐠
日本🇯🇵好高級嘅魚類，好似海中石油咁珍貴，油脂好豐富，但係唔會係油膩，食到佢嘅鮮甜同油脂爆發係口中
6 瀏覽
0 讚好
0 留言
🥢牛三角🐮
接下來係重頭戲和牛，暫時係喺呢一間舖頭獨家，BMS level去到12，即係頂級，每一隻牛都係係農場放牧18個月，牛味香濃，油脂豐富，入口即溶，獨家因為來貨價好貴，所以未有其他舖頭入呢隻貨
牛三角呢個部位好嫩滑，師傅用咗四種唔同嘅生果去醃佢，包括菠蘿🍍香蕉🍌奇異果🥝同蘋果🍎用天然食材去醃佢，有啲果香又唔會話鬆肉粉咁拿到咩質感都冇哂
8 瀏覽
0 讚好
0 留言
🥢毛蟹鮑魚海膽飯🍚
師傅話佢同老闆研究咗大約三次左右先研發到呢一個好似risotto 口感但又唔係成pat野咁，鮑魚慢煮好淋，飯加上黑松露好香，再加上用鮑魚蟹殼龍蝦殼烹成嘅高湯，令個飯更香更入味
2 瀏覽
0 讚好
0 留言
🥢立魚湯🍲
用魚頭魚骨煮成，無添加，奶白色魚湯正呀，師傅更話要用紅肉嘅魚先會有奶白色，坊間有好多係用佢驚冇奶白色就會倒一盒忌廉落去
0 瀏覽
0 讚好
0 留言
🥢靜岡紅肉蜜瓜🍈
最後仲有水果，就係一樹一果嘅紅肉蜜瓜，佢嘅甜度好夠，仲有一種獨特嘅麝香味道
星期一至三老闆仲會請大家免費任飲清酒🍶
下次一定要嚟試吓，仲要試吓客人發辦，自己話事，想食咩就食咩
張貼
