峰壽司

營業中

休息中

記得細個有去開新城市廣場一田超市附近既峰壽司，可能以前食壽司係比較昂貴既選擇，所以每次都會好珍惜有得食壽司既機會haha。當我發現將軍澳開左峰壽司真係好開心，即刻約左朋友試一試，個人覺得質素比新城市廣場既更好。火炙左口魚裙邊壽司又係我最愛之一，燒完好香魚脂味，每次一定會點。帆立貝壽司普普通通，略嫌刺身有少少薄。海膽軍艦好好味，濃厚嘅海膽味，食落又有少少甜。蒸蛋又係好足料，有小柱、魚子、三文魚等等，以呢個價錢連鎖壽司店黎講簡直係貴婦版蒸蛋，如果蒸蛋再滑身d真係無得頂。