Gochi (已結業)

澱粉人係抗拒唔到手工意粉嘅誘惑，經過見到餐廳晚市幾乎冇人，就買外賣返屋企試下。疫情期間，晚市外賣自取亦無任何優惠。買完返屋企都凍哂，當然要翻熱先好。餅底相當有咬口，好有麵粉香。但美中不足的係店員只係喺pizza界左下，parma ham都係痴實一陀，要自己慢慢切同分返啲parma ham。parma ham有咸香，啲火箭菜同羅勒中和返個味，冇咁膩。份量比較細，但黑松露比得慷慨，手工意粉偏淋身，但整體好香好creamy。蛋黃醬汁味好濃，芝士粉亦多，所以漿汁更creamy。之後有機會要堂食，試下即食的水平如何。