影片
更多
2010-03-17
168 瀏覽
準時收工的日子，友人話有開心事公布，飛電話約我出來請飲野，有酒飲點會唔去，即時出發。地點在官塘廣場後面的Lane，住左0係官塘咁耐都係第一次知原來呢頭有間酒吧﹗餐廳裝修格調都幾高級，雖然對住工廠大廈，不過就自己間左一個花園做露天位，四處放滿綠葉花卉，感覺也挺自成一角，置身其中也忘了身在工業區。下午茶時間有個蠔餐，三隻蠔加多一杯白酒$68。最難得一樣野係佢地happy hour買一送一，仲要係由3:00pm去到11:00pm，岩哂我呢0的酒鬼。同老友都係住官塘，飲醉搭的士回家都唔洗跳錶，睇黎呢處會係我地happy hour新熱點﹗熱愛啤酒的我因減肥關係都係飲白酒啦﹗單杯叫白酒買一送一，$48，酒入口酸度幾高，微帶淡淡果香，岩我口味。減肥食三隻蠔應該無咩問題嘛？哈哈﹗一人叫左個蠔set試下﹗待應話係美國蠔來的，都幾大隻﹗蠔新鮮，即叫即開，待應話如果單買一隻就$28，而家三隻再加多杯白酒$68好抵﹗味道帶甜，口感creamy腍滑，海水味適中，雖未做到吃後餘韻裊裊，但這個價錢下也好吃抵吃。加少少茄汁同埋檸檬汁就更能帶出食物鮮甜。飲完白酒老友興起又飲紅酒，仲要叫個意大利凍肉拼盤，$128。呢個拼
地點在官塘廣場後面的Lane，住左0係官塘咁耐都係第一次知原來呢頭有間酒吧﹗
餐廳裝修格調都幾高級，雖然對住工廠大廈，不過就自己間左一個花園做露天位，四處放滿綠葉花卉，感覺也挺自成一角，置身其中也忘了身在工業區。
下午茶時間有個蠔餐，三隻蠔加多一杯白酒$68。
最難得一樣野係佢地happy hour買一送一，仲要係由3:00pm去到11:00pm，岩哂我呢0的酒鬼。
同老友都係住官塘，飲醉搭的士回家都唔洗跳錶，睇黎呢處會係我地happy hour新熱點﹗
熱愛啤酒的我因減肥關係都係飲白酒啦﹗
單杯叫白酒買一送一，$48，酒入口酸度幾高，微帶淡淡果香，岩我口味。
減肥食三隻蠔應該無咩問題嘛？哈哈﹗
一人叫左個蠔set試下﹗
待應話係美國蠔來的，都幾大隻﹗
蠔新鮮，即叫即開，待應話如果單買一隻就$28，而家三隻再加多杯白酒$68好抵﹗
味道帶甜，口感creamy腍滑，海水味適中，雖未做到吃後餘韻裊裊，但這個價錢下也好吃抵吃。
加少少茄汁同埋檸檬汁就更能帶出食物鮮甜。
飲完白酒老友興起又飲紅酒，仲要叫個意大利凍肉拼盤，$128。
呢個拼盤根本唔係兩個人食，片片大塊，再加上我又減肥只每樣淺嚐一口。
沙樂美腸油脂味濃郁，送紅酒是絕配﹔Pama Ham比不鹹不膩帶肉香﹔最後一隻唔知咩火腿就淡身一點。
附近不少上班一族放工也來乾番杯，未到6:30pm露天位已經全部滿哂。
不錯的地方，價錢也適中，最緊要係happy hour夠長買一送一，飲野之選，值得推介。
張貼
