影片
更多
2015-08-06
470 瀏覽
一心想食素食，係OPENRICE搵到呢間評分唔錯，所以來試來，結果完全大失所望。呢次叫左一個湯，一個前菜，一個主菜，一個炒飯，大部分係叫佢聲稱嘅招牌菜。首先來左前菜，涼拌海蜤手撕雞，味道唔錯，辣辣地幾開胃，素海蜤係一條類似蒟蒻嘅野，原本直條形嘅蒟蒻沿邊一刀一刀切少少，令佢可以彎曲，手撕雞應該個腐皮，加埋青瓜紅蘿白，口感豐富，所以其實一開始印象唔錯。之後來嘅係竹笙紅燒素翅，一上枱聞一聞，聞到嘅係滾水味，無錯係滾水味，正式來講係我以前讀大學嗰時食堂有部滾水機禁出來嗰啲水，水聞落去會有金屬味，食落去好淡，完全枉佢叫紅燒，真係想叫個廚來問下佢知唔知咩叫紅燒。聞住滾水味來食碗野，成個感覺好怪異。竹笙極少，一個竹笙好似切洋蔥圈咁上，成碗夾埋可能能得一隻，慘過隻車仔麵。食完呢碗野，心情都未變差，諗住可能失一失手啫。好啦，等左十分鐘，上埋個主菜。豆豉蒸盤龍鱔，其實個紫菜包腐竹，用豆豉蒸起，碟邊伴四條菜上，呢碟野叫七十幾八十蚊，對唔對得住客人? 我見唔到手工，見唔到心機，更加不可能話好食。我諗諗下覺得係個廚師個邏輯有問題，豆豉之所以同鱔夾，係因為新鮮嘅鱔本身就好鮮味，豆豉咁濃烈嘅味道同佢可以相得益彰。但
呢次叫左一個湯，一個前菜，一個主菜，一個炒飯，大部分係叫佢聲稱嘅招牌菜。
首先來左前菜，涼拌海蜤手撕雞，味道唔錯，辣辣地幾開胃，素海蜤係一條類似蒟蒻嘅野，原本直條形嘅蒟蒻沿邊一刀一刀切少少，令佢可以彎曲，手撕雞應該個腐皮，加埋青瓜紅蘿白，口感豐富，所以其實一開始印象唔錯。
之後來嘅係竹笙紅燒素翅，一上枱聞一聞，聞到嘅係滾水味，無錯係滾水味，正式來講係我以前讀大學嗰時食堂有部滾水機禁出來嗰啲水，水聞落去會有金屬味，食落去好淡，完全枉佢叫紅燒，真係想叫個廚來問下佢知唔知咩叫紅燒。聞住滾水味來食碗野，成個感覺好怪異。竹笙極少，一個竹笙好似切洋蔥圈咁上，成碗夾埋可能能得一隻，慘過隻車仔麵。食完呢碗野，心情都未變差，諗住可能失一失手啫。好啦，等左十分鐘，上埋個主菜。
豆豉蒸盤龍鱔，其實個紫菜包腐竹，用豆豉蒸起，碟邊伴四條菜上，呢碟野叫七十幾八十蚊，對唔對得住客人? 我見唔到手工，見唔到心機，更加不可能話好食。我諗諗下覺得係個廚師個邏輯有問題，豆豉之所以同鱔夾，係因為新鮮嘅鱔本身就好鮮味，豆豉咁濃烈嘅味道同佢可以相得益彰。但相反用紫菜包腐竹，個樣係做到，但有其形而無實囉，淨係得豆豉味。失敗。再者，佢上菜個形式不過個好似韓式紫菜圈咁上，咁樣就叫佢做盤龍鱔會唔會吹大左少少?
最後係個日式燒汁鰻魚炒飯，材料係紅蘿白切粒，菜心個心切粒，粟米同用蛋扮嘅鰻魚，首先如果唔睇返個菜牌，我都唔會記得呢個炒飯有日式燒汁，我諗個廚都唔記得左啦。而用蛋扮鰻魚，完全可以睇到呢間舖嘅人品! 如果出面食鰻魚炒飯，饅魚少，切得細粒，咁係基於成本考慮，情有可原，但當你變成用蛋，有無必要將蛋切成2mm x 2mm?其實有無心想impress 啲食客?
最後補返兩飛，廚房應該有人刀功唔錯，但切得再好嘅豆腐都只能係豆腐，刀功永遠只能錦上添花，唔好食嘅切得再好都無用。
張貼