甜姨姨私房甜品 (清風街)

營業中

休息中

鍾意食糖水嘅我，好多時都會係食完飯之後，如果太飽，買一碗糖水返屋企食。嗰日食完飯，就試吓呢間甜姨姨，上網睇食評見到都好多人試過同好評，就打算試下。我一向鍾意食熱甜品，所以就叫咗一碗雙色湯丸，饀料係黑芝麻同埋花生。返到屋企打開，個水冇薑味，亦冇甜味，湯丸皮厚饀少，無論黑芝麻同花生都係冇味嘅，還好係浸咗一啲時間湯丸皮都唔會溶到一pat pat。可能佢其他甜品好味啲啦，但係呢間咁嘅嘢我點都唔會有下一次喇。