影片
更多
2017-06-10
134 瀏覽
突然間好想食韓國嘢，特別係炸雞，所以行經銅鑼灣某一棟大廈之際，有啲廣告推介呢一間餐廳既炸雞，見到啲圖片就好想食，所以就試咗「The Hwaduk」。 入到去環境好簡約，裝修樸素有韓式Feel，仲有間房仔可以一班朋友一齊聚餐，而且窗口可以望海景，環境幾舒服。餐牌上有唔同款式嘅Pizza、唔同味道嘅炸雞、小食拼盤同埋有酒精同無酒精飲品等等。我哋最後揀咗「燒雞配年糕」、「燒牛肉薄餅」，再加兩杯飲品，分別係荔枝啤酒同埋一榨水果茶。燒雞配年糕賣相非常吸引，而且遙遠都可以聞到燒雞嘅香味，份量十足，兩個人其實都剛剛好食得晒。首先試左燒雞，燒雞啲肉真係好滑嫩，老實講，係我食過咁多炸雞、燒雞之中佢係唔熱氣唔油炸的，燒雞嘅部位平均，又有雞髀、雞上胸，估唔到雞背啲肉都非常滑，配以正宗韓式汁，汁嘅味道唔鹹，仲有好少嘅辣味，非常惹味、滋味啊。另外啲年糕煮到好林，咬落去好有口感，非常彈牙，必食，而且係再想Encore！另外個燒牛肉pizza，Pizza底非常薄而脆，而且表面鋪滿左一粒粒好香嘅牛肉，仲有厚厚嘅芝士係底，上面仲有一粒粒嘅紅椒青椒，材料足料，味道好香，忍唔住要食下試下，食落去口感好爽好脆，咬落去又有脆又
入到去環境好簡約，裝修樸素有韓式Feel，仲有間房仔可以一班朋友一齊聚餐，而且窗口可以望海景，環境幾舒服。
餐牌上有唔同款式嘅Pizza、唔同味道嘅炸雞、小食拼盤同埋有酒精同無酒精飲品等等。我哋最後揀咗「燒雞配年糕」、「燒牛肉薄餅」，再加兩杯飲品，分別係荔枝啤酒同埋一榨水果茶。
燒雞配年糕賣相非常吸引，而且遙遠都可以聞到燒雞嘅香味，份量十足，兩個人其實都剛剛好食得晒。首先試左燒雞，燒雞啲肉真係好滑嫩，老實講，係我食過咁多炸雞、燒雞之中佢係唔熱氣唔油炸的，燒雞嘅部位平均，又有雞髀、雞上胸，估唔到雞背啲肉都非常滑，配以正宗韓式汁，汁嘅味道唔鹹，仲有好少嘅辣味，非常惹味、滋味啊。另外啲年糕煮到好林，咬落去好有口感，非常彈牙，必食，而且係再想Encore！另外個燒牛肉pizza，Pizza底非常薄而脆，而且表面鋪滿左一粒粒好香嘅牛肉，仲有厚厚嘅芝士係底，上面仲有一粒粒嘅紅椒青椒，材料足料，味道好香，忍唔住要食下試下，食落去口感好爽好脆，咬落去又有脆又有林嘅效果，外脆內軟淡淡芝士牛肉，食落去唔會太流，仲有好香好新鮮嘅牛肉味道，又唔會太熱氣，好味道！
另外水果茶入面有唔同款式嘅水果，切成一粒粒的，有火龍果、蘋果、橙、檸檬等，水果茶呈現黑加倫子顏色，飲落去有點清香同埋甜甜的味道，味道唔錯，最適合唔飲酒嘅人士或者女士。
荔枝啤酒面頭有啲泡泡，我朋友話幾開胃，同埋採用韓國新鮮啤酒，都幾特別，可以一試。
埋單都只係唔使$600，兩個人非常超值啊，下次一定再試佢啲雞，食幾多次都唔怕同埋唔會厭！因為啲雞完全唔熱氣，而且非常好食，必食！
張貼
