燒肉牛蔵 (已結業)

以往習慣和一班好友會到i-square睇完早場後到呢間食定食。一年後，心血來潮諗住到呢間以前覺得好食嘅食肆回味一下，例牌叫了醬汁牛肉定食同埋一口牛定食。前菜同麵豉湯味道中規中矩，到主菜一到，眼見面前嘅醬汁牛肉上面個幾塊肉同下面個幾塊肉好明顯係兩隻色(分別係鮮紅同暗紅帶灰色)，由於太肚餓，一口氣燒咗幾塊牛嚟食。一放入口......啲根多到𡁻嚟𡁻去到咬唔開，以為係一塊係咁，點知原來塊塊牛都係咁。根本咬唔開，叫人點食? 燒咗半碟，唯有放棄。轉燒一口牛，點知，原來一口牛仲更伏! 一放入口.....頂! 更本完全食唔出有牛嘅味道，咩一口牛! 個口感更加劣。唔好話吞，連想繼續想𡁻爛佢嘅意慾都冇。太令人失望喇。點解間食肆會差咗咁多!