賀苗記包點

今日7:00pm嚟到，佢哋好似就快收工，所以擺喺焗爐裏面嘅生煎包，相信已經係煎好有一段時間。咬開之後，完全冇汁！肉餡嘅調味係唔錯，包底都算煎得香脆，包身都算鬆軟，但就完全冇爆汁，係完全冇爆汁，絕對係完全冇爆汁！因為好重要，所以必須重複三次！見到網上不斷推介，唔同嘅KOL又出嚟吹捧，結果原來係完全冇爆汁！！！冇呀，包裏面一啲汁都冇呀！諗住入嚟元朗掃街擺佢喺尾門，結果中大伏！好彩，我都醒，淨係叫咗一隻包嚟試吓先，真係冇下次！