金紫荊美食 (已結業)

好多時會入葵芳做野，琴日下午又熱又焗，就近入左呢間諗住飲杯凍飲順便食少少野。叫下午茶，要乜無乜，雞比又無，西多又話要等，逼住叫煎餃子。凍檸茶黎到，暖既？叫個女人(應是老闆)換過就支支佐佐，阻佢睇電視咁。到煎餃子上，一咬淋既，唔脆就不如叫蒸餃子，食落去仲有陣唔知咩味，d肉霉霉地，又唔敢叫班大帝換了，個個剩係識對眼望住電視，食唔落唯有當跌錢算。咁既質素同招呼好懷疑點可以係飲食業立足。請都唔會再去！