Gochi (已結業)

每個禮拜都要應付沉重嘅工作所以可以靜靜地坐喺度食餐飯都已經變到係一件奢侈嘅事😭 不過只要有希望就總會有呢個機會嘅咁啱最近終於可以放鬆少少所以點都要用食嚟孝敬下自己😈 想當年喺樂富行過除咗覺得係一個小型舒適嘅環境之外裏面亦都包含好多不同種類嘅餐廳，仲要基本上都係高質素冇得走雞咁啱今次嚟到gochi 呢間餐廳係因為我覺得就咁望入面已經有一種寧靜嘅環境，感覺上時間仲可能慢咗，再加上係人見人愛嘅西餐所以諗都冇點諗就決定要去試一試發現新大陸好似我要推介嘅煮食就係素食四重芝士pizza. 雖然講起上嚟好似好普通但係食起上嚟絕對唔係平時咁容易可以食到。 四重芝士其中一個芝士就係藍芝士，當然味道就真係要因人而異但對於芝士愛好者來講梗係一個千載難逢嘅機會啦！！平時食薄餅嘅芝士用開都係mozzarella.. 有幾可係四重芝士仲要包含藍芝士呢？你都故知然係濃郁但我最欣賞嘅就係手工薄餅整到幾似麵包，但同時保留住好高筋度嘅口感，直頭可以用極有咬口形容❤️👍🏼 其實一開始嘅餐湯同埋餐包都係好有心機咁樣炮製， 尤其是餐湯今次就用南瓜熬製，所以基本上完全唔使額外嘅調味料就已經可以做到顏色又好睇味道已經自帶甜嘅湯👍🏼👍