影片
更多
2020-09-13
730 瀏覽
旺角，五光十色，刀光劍影（誤），身處呢個石屎森林既表表者，上午11點43分，一個人，午睡前既午素，點樣素？去邊素？然後，係google大神既帶領下，我黎到一個黑色既森林The Forest，係一樓，與王子green common相遇。OK，係一個迪迪尼童話式既前言後，通常我都會先介紹間舖個殼，但由於餓之入骨，睇準佢12點開始午市，12點0.45秒即衝入閘，坐低、除袋、睇牌、秒揀、比錢、等食、開動、享受！至於今次有幸比我點中既佳麗係芝脆焗豬扒長通粉。有睇開我地食評既朋友仔都知道我地其實唔太鍾意叫好肉食名既素菜，不過黎到green common就成日想試佢地既beyond meat，之前係將軍澳果間試過漢堡，今次就試下新豬肉（OmniPork）。睇盧海鵬同阿燦扮野，你會為佢地既神似同抵死開心好笑之餘，重有啲感動，呢隻新豬肉原來都係。先比大家睇下佢扮得有幾似先：當我第一眼見到佢既時候，雖然唔係諗起盧海鵬同阿燦，不過真係笑左：「我究竟叫左啲咩？」差啲想同個staff 講：「唔好意思呀，我係黎食素架，但呢塊明明就係豬扒。」當然，我既理智唔會輸比我既弱智。不過盧海鵬同阿燦扮野既真髓不只在於表面扮得
然後，係google大神既帶領下，我黎到一個黑色既森林The Forest，係一樓，與王子green common相遇。
OK，係一個迪迪尼童話式既前言後，
通常我都會先介紹間舖個殼，但由於餓之入骨，睇準佢12點開始午市，12點0.45秒即衝入閘，坐低、除袋、睇牌、秒揀、比錢、等食、開動、享受！
至於今次有幸比我點中既佳麗係芝脆焗豬扒長通粉。
有睇開我地食評既朋友仔都知道我地其實唔太鍾意叫好肉食名既素菜，
不過黎到green common就成日想試佢地既beyond meat，之前係將軍澳果間試過漢堡，今次就試下新豬肉（OmniPork）。
睇盧海鵬同阿燦扮野，你會為佢地既神似同抵死開心好笑之餘，重有啲感動，呢隻新豬肉原來都係。
先比大家睇下佢扮得有幾似先：
芝脆焗豬扒長通粉（午餐）
$68
19 瀏覽
0 讚好
0 留言
差啲想同個staff 講：「唔好意思呀，我係黎食素架，但呢塊明明就係豬扒。」
當然，我既理智唔會輸比我既弱智。
不過盧海鵬同阿燦扮野既真髓不只在於表面扮得似，內裡亦然！
所以！睇下你可唔可以令我滾動先！
你睇，啲「肉」真係似得好抵死…咬落去更係非常鬆軟！係鬆軟，又因為好鬆軟令個口感唔係好似真豬肉。不過如果冇呢方面追求既朋友仔其實完全冇問題。塊「皮」就唔算好脆，不過完全可接受既。
至於味道方面，green common野食黎講其實都有信心保證既。
雖然佢又芝士又茄汁又盛，不過基本上都好清，如果試過茶記或大快樂果類既焗豬扒飯就知道個分別喇～
意粉軟硬度都OK ，整體黎講唔錯既，食得開心！
份量黎講都係預7，8成飽啦，雖然咁係健康，但個胃又會唔係好聽話。
反而係杯餐飲（凍檬茶）就意外地大杯，真係食唔飽都飲到飽架可以。
最後，對於一個對身體唔自私既人黎講，滿足完口福，都要照顧下其他感官既。
終於，介紹下個殼喇！
間舖形狀幾得意，可以比你向左走向右走。設計簡單舒適，特別鍾意佢一排長長既bar枱，一個人望住條街慢慢食，可以扮型、文青、黯然、哲學思想家。雖然唔係有咩景觀（對面就係無肉食），不過都算係一種悠閒享受。
食完野又可以遊下有咩綠色食物。係旺角要掃素，當然唔只呢到，不過想causal或一個人素一素，呢到可能都係一個唔錯既選擇。
張貼
