焼肉スマイル (燒肉smile)

之前經過旺角見到呢間台式一人燒肉已經好想食,見到平日Lunch $58就有得食,可惜唔係呢頭返工，唯有星期6黎食，有一點好好就係就算一個人嚟食燒肉，都無任歡迎

餐牌見到唔同盛合套餐嘅內容好豐富，性價比高，我哋揀咗豚肉成盒套餐。同日和極上成盒套餐，另外再加左個松阪豬同小鮑魚好豐富，好滿足

1

點完餐，我哋就去食沙律自助吧，選擇好多好豐富，淨係食沙律都已經有24品選擇


生菜好新鮮好脆口呀，仲可以配我最愛嘅芝麻醬木耳同青瓜都係我鍾意嘅沙律，鍾意食辣嘅，仲有泡菜可以揀

#台灣味道#台式飲料

嘢飲我哋就揀咗最有台式味道嘅蜂蜜檸檬同冬瓜檸檬，感覺到唔係死甜，檸檬配燒肉剛剛好可以解油膩

#好Juice#豚肉都可以咁好食

$213

豚肉成盒套餐，有好多款唔同嘅豚肉，包括有豚腩片，豚梅花，豚肋條，松阪豚，西班牙伊比利黑豚，每一款都係肥瘦相間，食起嚟食落唔會太油膩，但又食到油脂嘅甘香

#燒完之後好食到冇朋友

燒好就聞到啲豚肉香噴噴，送飯真係一流，最欣賞係所有肉都唔需要再加調味料已經好入味，後來發現原來全店使用冷藏肉，肉質會更加鮮甜多汁，呢啲就係質素嘅保證

#油脂分布平均#入口即溶

$338

日和極上盛盒套餐，呢個套餐真係冇得彈，牛肉油脂分布平均，一睇就知道燒完一定入口即溶wow加上佢配有龍躉石斑同鮮蝦，款式多質素高肉有日本A5和牛，西班牙伊比利亞黑豚，無骨牛小排，款款都好出色

#估唔到咁好食

$10

最令我哋驚喜嘅係蔥花玉子飯，雞蛋用咗日本雞蛋，配蔥花同白飯好甘香，不知不覺成碗飯食晒

#原來豚肉都可以油脂分布咁平均

$78

見到豚肉嘅質素好好，即刻再order咗一碟松阪豚，唔使驚一個人嚟都冇得食，因為呢度一個人都可以用單人烤爐，再加上日本無煙設計，食完都唔會成身燒烤味

#有驚喜 #好爽口

$48

小鮑魚真係好驚喜，估唔到細細粒，但驚爽口，又有鮮味，燒完更加Juice

5

食飽之後揀咗個焦糖布甸做甜品，表面係脆口嘅焦糖，下面係凍嘅雞蛋布甸，食落甜味唔太多，配雞蛋布丁真係一絕

#好Creamy

$15