影片
更多
2017-07-23
174 瀏覽
之前去過灣仔分店覺得食雞煲家特色嘅火鍋超正，見到旺角有火鍋或者蒸氣鍋，就帶同婆婆和家人一齊來食，孝敬下長輩。蒸氣鍋係一定要訂枱嘅，因為出面嘅枱得三張，不過VIP房間都有兩張蒸氣鍋，都可以訂ga，我哋就提早咗成個星期訂，今次嚟到真係好爆滿！蒸氣鍋同火鍋嘅玩法好唔同，火鍋就係任食啲配料，蒸氣鍋就首先食咗個什雜錦刺身或招牌雞煲先，因為婆婆年紀大唔可以食刺身，所以我哋都係選擇雞煲唔辣。最得意就係有啲油炸鬼，同灣仔一樣，都係啲雞熟咗之後先至放落去，仲係好香脆架！啲雞就唔使講啦，夠晒嫩滑美味，不過相對起都係覺得辣啲應該會好味啲，不過為咗遷就屋企人冇辦法啦。食完其實仲可以無限添加，不過大家胃口應該冇咁大，所以食一次已經夠晒，之後就到重頭戲海鮮蒸氣。海鮮蒸之前就落咗南瓜排骨同埋米，等蒸氣過程中可以不停吸收海鮮嘅鮮味。每位都有龍蝦半隻就一開始食，新鮮爽口好似啱啱仲游緊水咁！我哋成枱都冇加豉油或者醬油，因為都係覺得海鮮要食原汁原味嘅鮮味。太子象拔蚌睇落其實有少少似大蜆，但係其實係象拔蚌個肉特別唔同有少少似蝴蝶，口感爽口而且鮮味十足。日本大元貝真係大到不得了，蒸氣嘅好處就係裏面仍然留有好多水份，能夠keep
蒸氣鍋係一定要訂枱嘅，因為出面嘅枱得三張，不過VIP房間都有兩張蒸氣鍋，都可以訂ga，我哋就提早咗成個星期訂，今次嚟到真係好爆滿！
蒸氣鍋同火鍋嘅玩法好唔同，火鍋就係任食啲配料，蒸氣鍋就首先食咗個什雜錦刺身或招牌雞煲先，因為婆婆年紀大唔可以食刺身，所以我哋都係選擇雞煲唔辣。
最得意就係有啲油炸鬼，同灣仔一樣，都係啲雞熟咗之後先至放落去，仲係好香脆架！啲雞就唔使講啦，夠晒嫩滑美味，不過相對起都係覺得辣啲應該會好味啲，不過為咗遷就屋企人冇辦法啦。
食完其實仲可以無限添加，不過大家胃口應該冇咁大，所以食一次已經夠晒，之後就到重頭戲海鮮蒸氣。海鮮蒸之前就落咗南瓜排骨同埋米，等蒸氣過程中可以不停吸收海鮮嘅鮮味。
每位都有龍蝦半隻就一開始食，新鮮爽口好似啱啱仲游緊水咁！我哋成枱都冇加豉油或者醬油，因為都係覺得海鮮要食原汁原味嘅鮮味。
太子象拔蚌睇落其實有少少似大蜆，但係其實係象拔蚌個肉特別唔同有少少似蝴蝶，口感爽口而且鮮味十足。
日本大元貝真係大到不得了，蒸氣嘅好處就係裏面仍然留有好多水份，能夠keep住個size ,保持新鮮。味道好鮮甜，必食！
紐西蘭大蟶子最正就係大大件之餘又沒有沙，爽口又彈牙。
大連鮮鮑魚唔可以整太耐，因為鮑魚整得過火嘅話就會收縮得太勁，變得好韌。所以時間啱啱好就最有彈性同埋唔會太韌，恰到好處。
沙井鮮甜生蠔雖然鮮甜但係仍然保持濃嘅海水味，就有少少腥啦。如果食唔到腥嘅話就讓比屋企人或者朋友啦。
新鮮肉蟹好正，其中一款就係大大隻，海水味十足但係就唔係咁鮮甜。細隻嗰啲肉質特別甜，有啲似以前爹哋喺我柴灣釣到嘅蟹，重拾兒時美味回憶！
手切牛頭脊如果兩至四個人就有一碟，因為我哋係五至八個人，所以就有兩碟。大概蒸3分鐘就食得，牛肉嘅花紋分布平均，未至於入口即溶但係牛味濃郁，也不花力就可以吃到。
因為我哋多人所以可以揀兩款唔同嘅素菜，梅菜肉鬆蒸豆腐仲係好滑，唔會太單調有梅菜就有啲鹹香。
金蒜黑豚肉蒸茄子其實冇一塊塊嘅黑豚肉主要係茄子上面有一啲肉碎，唔係幾食到本身嘅味道。不過茄子都幾爽口，比想像中更加挺同埋有水份。
粥底南瓜排骨就係最後重頭戲，因為上面已經有好多唔同嘅海鮮滴咗一啲汁落去，所以成個粥係好有鮮味嫁！仲有擺咗一啲蟹蓋落去，鮮味就更加提升。
唔好以為咁就完嘅，雖然大家都超級飽，但係仲有一個自助雪糕幾有朱古力味雪糕，質素好過雀巢仲要有甜筒，比想像中更加出色！
好香脆，記得食埋先走。
張貼
