B.Duck & Buffy 德記茶樓 (已結業)

小妹除左係鬆弛熊🐻粉絲之外, 仲中意B.Duck鴨仔🦆, 聽同事講旺角有間以B.Duck做主題嘅茶樓😦, 無錯💁🏻‍♀️, 係茶樓😂🤣, 就緊係要狗衝去試下! 一入到餐廳, 真係好多好多好多B.Duck嘅擺設, 掛畫, 咕, 牌匾連餐具🥢都印有B.Duck嘅樣, 而門口天花位更掛住一個個`鴨籠', 十分可愛😍! 餐廳雖然唔算大但就真係非常多影相位, 好適合打卡🤳🏻📸! 蘋果沙律蝦多士🍎🥗🍤🍞蝦多士酥脆可口, 入面係橙橙地色嘅蝦膠, 配埋蘋果沙律醬, 味道清新又唔膩!燒賣皇燒賣鮮香夠味, 嚼感十足!流沙奶皇包咬落去熱辣辣, 裡面流出金黃色嘅奶皇, 味道濃郁, 香甜起沙!馬拉糕馬拉糕口感蓬鬆柔軟, 帶有微微香甜味!沙嗲金錢肚金錢肚口感脆嫩, 加埋超入味嘅沙嗲汁, 十分惹味! 下層鋪有白蘿蔔, 吸哂d汁, 咬落去超級軟腍鮮甜又入味!三寶臘味飯三寶有臘鴨, 臘腸同臘肉, 米飯吸哂臘味嘅油脂, 咸咸香香, 加埋醬油嘅甜味, 用料簡單已經好好味!