The Grill Room (The L. Square)

前一日用OpenRice網上預訂服務，諗住今晚開開心心同女朋友食生日飯。點會知道呢間餐廳係一個大伏 😭😭 食到一肚氣。一出Lift個Staff會問你有無book枱架，但你答乜都唔會理，直接隨便帶你到D雞肋位俾你坐 (近廚房出餐位)。我book左枱，你都好應該問下我電話號碼掛，完全係無問仲回應我知你book左 (食完飯睇返佢放門口既booing list就會好明顯知道是是但但既服務態度，booking list入面大部人都係黃色highlight，我個欄係藍色 😥😥 )。 呢間餐廳大部份枱面都係放住Reserved牌，即係佢鐘意安排你坐邊就坐邊度。又話得兩個時段，第一個時段要2030前離座，點解有book枱既客人係八点先入座，難道極速半小時用饍？ 呢間餐廳其實只係主打個set dinner，根本唔想客人散叫其他食物。餐紙都未睇完，Waiter A同你講88蚊買1送1飲品，同Waiter B order個時就話要問下其他人，1分鐘後Waiter B回覆買1送1只限set dinner。我回答Waiter B唔需要飲品，誰不知一個高级少少行黎大聲問係咪order一杯。真係火到黎，你地老點個客，仲要好似我有問題耍你地甘樣。碟A意粉黎碟B意粉，同佢講我叫A意粉，又係大大聲同廚房講叫錯左碟意粉。乜野係叫錯，明明係你自己入錯機 😑😑 無言…… 絕對無下次，我連甜品都已經唔想叫，無謂要我浪費8x蚊再加20蚊 (生日牌加蠟燭)響呢間劣質服務既餐廳，價錢與服務完全不符。服務太差，唔值甘貴既價錢。(個Set Dinner都係碟大食物細，不試也罷)

2