孖沙茶餐廳 (已結業)

【上環·午餐推介】終於試到上環馳名嘅「三蛋飯」😋 見到個樣就好想用「嬌艷欲滴」形容 haha！叉燒好快就會賣晒，試過嚟咗兩次都食唔到，不過可以改配燒肉、雞翼等等，當然最正係蛋汁撈飯！💕 我其實無覺得叉燒特別好食，附近嘅燒味店整得好啲，但喺孖沙食叉燒三蛋飯就好似一個儀式/情懷一樣。返工間唔中就會想食乾炒牛河，唔知點解。之後我就會嚟呢間茶餐廳食牛河，都算炒得好食，牛肉一啲都唔韌，凍奶茶都好飲，次次都嗌奶茶！上環返工嘅朋友可以試下呀～～👅#孖沙茶餐廳地址：上環禧利街23號地下。