簡單廚房 (已結業)

幫襯之前唔知依間餐廳有藝員坐鎮，但就聽朋友講過佢甜品唔錯。由於之後要去朗豪坊UA睇戲，所以抱住姑且一試心態食飯。我點了一客鵝肝天使麵，雖然談不上是頂級，但味道的確不俗，塊鵝肝亦的確貨真價實，份量十足。之後我加了一客該店著名益力多芝士餅，面頭的紅蘿蔔是用硬糖造的，賣相非常別緻，味道則是偏重益力多味，食不出有芝士味。可能我好彩，又或者因為無乜特別期望，我唔覺佢服務特別差，反而覺得佢效率好高，可能因為佢想快返。但唔好意思，因為我睇九點半，所以最後都坐個半鐘。這間餐廳會比較女仔食，因為份量偏細，但如果補錢加埋小吃同甜品，其實都應該夠飽，價錢講都算合理。