梅之味 (麗都大廈) (已結業)

朋友今日帶左我黎金鐘食晚飯，去到蘭杜街，原來呢條街都幾多野食，係商場以外搵食既好去處。呢間台式小店，地方唔算好大，但都好舒適，環境好安靜，適合家庭小聚會。坐係到閒聊，感覺好放鬆。餐廳職員都好熱心有禮，推介左我地幾款小菜。 酸菜魚，有大量既芽菜、酸菜、魚塊好大舊又滑嫩，味道帶點少酸，唔會太辣，只食魚既話就連唔食得辣既朋友都食到，相對薯粉味道就比較濃郁，酸辣既味道好出，好入味但又唔會覺得好麻辣。鹽酥雞，酥炸既外皮薄薄一層，炸得香脆得來雞肉仲有肉汁，好有台式風味。 香椿豆腐，好滑配白飯食好好，有台灣特色既香椿醬。仲有蔥花同茜。冬瓜檸檬，飲品好清甜，夠哂解暑。