泰妃雞 (已結業)

依排成日都好掛住細個嗰時響利舞台隔離南亞嘅海南雞飯，而家已經食唔返，所以今日去泰妃雞食住泰式海南雞頂住先！星期六三點幾落大雨，得一兩枱客人！叫左"泰式海南雞飯"$54,等一陣好快就上菜！一睇未食就知啲雞好味，首先啲雞全部閃令令，代表油份非常充足而雞皮顏色係新鮮嘅黃色，一點黑都沒有，仲有佢下個黃薑飯份量亦好多！夾起啲雞時，由於佢係起曬所有骨比你的原因，所以啖啖都係肉，而且佢煮雞的時間掌握得十分好，可以做到啱啱熟曬有少少粉紅色的狀態，所以雞肉十分之嫩滑，啲肉絕對唔會有鞋的感覺，再配佢有少少辣的泰式海南雞醬同有點薑味黃薑飯，令我不到幾分鐘已經全碟K.O 曬！但如果佢可以有中式薑蓉同中式雞油飯就但係無敵了！但如果泰式嚟講佢都已經做到好好！只係我個人喜嗜嘅問題而已！