稻香超級漁港 (朗屏商場)

營業中

休息中

見稻香晚市出咗新嘢，係我至愛嘅雞煲，仲要鴛鴦打孖上添，即刻忍唔住同胖侶去試試。鴛鴦雞煲218蚊，一邊係傳統嘅辛辣雞煲，另一邊係椰椰芝麻雞煲。辛辣嗰邊 keep 到一貫稻香嘅味道，香味辣味都兼而有之，最驚喜嘅係個椰椰芝麻雞煲，估唔到佢個樣清清地，仲以為佢淡茂茂，點知有濃郁嘅椰子香味，飲落仲好順喉添，跟咗半隻雞黎，大就唔係話好大隻㗎喇，不過勝在夠嫩滑，食法同辣味嗰邊嘅炆雞煲完全唔同，今晚一次過滿足哂兩個願望，正。