影片
更多
2008-02-19
25 瀏覽
** 此食肆的第七個喊面**16-2-2008 (Sat 年初十),約o左女友人CK,CL同男友人EC晏晝出旺角食飯兼睇戲,點知冇晒飛,於是改唱K,約2:10pm,我同CK先到o黎,汲取19/1/2008o既經驗後,我o地都係叫啲隱陣啲o既o野食,先叫$12.00o既’廚師推介’野菜鰻魚丼飯同雪菜火鴨絲炆米.不久,CL都到o左,佢都係穩陣啲叫個香草洋蔥豬扖飯.一段時間後,EC都到o黎,佢叫o左豉油皇雞髀飯.好耐好耐,我同CK o既飯至到,我o既野菜鰻魚丼飯個碗好大,大過湯麵o既碗好多倍,不過擺落o黎就……好,試吓先,飯又凍又硬,鰻魚微暖啦,但冇乜鰻魚味,最好味o既反而係所謂伴碟o野菜,係我唔好o既荷蘭豆.熱檸蜜,冇蜜糖味,亦唔夠甜,佢o地冇預糖包畀我,好彩CL飲檸水唔落糖,唔大杯o既飲品,我可以先落一包都唔夠味,要落晒兩包.CK o既雪菜火鴨絲炆米真係隱隱陣陣,雖然都係凍,但入味,OK.而CL同EC o既一樣全部都係凍,侍應冇畀叉我o地,CL叫o左都冇畀,佢唯有用匙當叉吧.EC o既豉油皇雞髀飯汁唔多,雞髀唔算大隻,佢唔可以食飯,因為唔夠汁同太硬o既飯會令佢胃痛,噢!一致通過,以後o係
16-2-2008 (Sat 年初十),約o左女友人CK,CL同男友人EC晏晝出旺角食飯兼睇戲,點知冇晒飛,於是改唱K,約2:10pm,我同CK先到o黎,汲取19/1/2008o既經驗後,我o地都係叫啲隱陣啲o既o野食,先叫$12.00o既’廚師推介’野菜鰻魚丼飯同雪菜火鴨絲炆米.不久,CL都到o左,佢都係穩陣啲叫個香草洋蔥豬扖飯.一段時間後,EC都到o黎,佢叫o左豉油皇雞髀飯.
好耐好耐,我同CK o既飯至到,我o既野菜鰻魚丼飯個碗好大,大過湯麵o既碗好多倍,不過擺落o黎就……好,試吓先,飯又凍又硬,鰻魚微暖啦,但冇乜鰻魚味,最好味o既反而係所謂伴碟o野菜,係我唔好o既荷蘭豆.
熱檸蜜,冇蜜糖味,亦唔夠甜,佢o地冇預糖包畀我,好彩CL飲檸水唔落糖,唔大杯o既飲品,我可以先落一包都唔夠味,要落晒兩包.
CK o既雪菜火鴨絲炆米真係隱隱陣陣,雖然都係凍,但入味,OK.
而CL同EC o既一樣全部都係凍,侍應冇畀叉我o地,CL叫o左都冇畀,佢唯有用匙當叉吧.
EC o既豉油皇雞髀飯汁唔多,雞髀唔算大隻,佢唔可以食飯,因為唔夠汁同太硬o既飯會令佢胃痛,噢!
一致通過,以後o係Neway唱K都係唔好食o野.
張貼
