玉桃軒酒家 (康怡廣場) (已結業)

今日收工陪媽媽去太古行街，咁就揀一間坐得舒服的酒樓食晚飯吧。曾經去過銅鑼灣的玉桃軒食晚飯，媽媽很喜歡，所以今晚試試太古康怡間玉桃軒吧。首先叫了一鴨2食：“北京片皮鴨” 及 “涼瓜炆鴨”北京片皮鴨，好大碟呢！每人都可以食到幾塊，而且D鴨肉同皮又唔會韌，好食！涼瓜炆鴨，涼瓜唔苦又爽口，而炆鴨好惹味，伴飯一流。芥蘭炒牛肉，牛肉一D都唔韌，而且牛肉很多。鮑汁鮮蝦荷葉飯，荷葉飯好多時都好咸，但呢個荷葉飯唔會咸。花膠滑雞煲，呢煲花膠滑雞煲不得了！花膠好大塊，4個人每人都食到一塊；而且雞真的好滑，好出色！媽媽對呢餐都好滿意，話下次要再來。