諾亞半熟蛋糕專門店 (已結業)

因為媽媽生日關係，而佢都幾中意食諾亞出品既蛋糕，所以諗住做下考順女，買個蛋糕慶祝一下，雖然番到去先知道原來已經有個朋友買左蛋糕比佢，不過唔緊要！生日食幾多個蛋糕都冇問題XD好耐冇黎一排見又出新口味，而且布丁大家都岩食，所以二話不說就買左焦糖咖啡布丁蛋糕番去～買完先知內有乾坤，要將個蛋糕倒黎倒去蓋一打開，係蛋糕既底部，睇落去同之前既半熟蛋糕冇咩分別，但只要一反轉....當然要先放碟係上面再快速反轉！我反～我反～我反反反～成功反轉！不過有個唔好處既係，如果大家食唔晒要放番落去係一個難度呢～焦糖咖啡布丁蛋糕，雖然睇落去砍舊野唔係溶為一體，但都唔會影響我地既食慾，布丁蛋糕相對地易切好多，而且焦糖比較水身，連個底都拈滿焦糖分好就可以開餐，望住咁大舊布丁都幾吸引～而且食落唔會有好飽濟既感覺，所以大家夠肚既話，可以一次過食晒XD咖啡味香濃，布丁既口感都夠滑，食落有兩種口感，底部係普通既蛋糕，但因為焦糖滲晒係底，所以食落相對比較甜，而且焦點好多，所以成個蛋糕都偏甜，焦黠既微微苦澀味就唔算太食到，不過佢勝在有舊大布丁都抵番晒XD係一個唔錯既嘗試～