我哋book咗8:45-11:30嘅時段，價錢都係＄248一位，都幾抵
當然係要叫刺身食先啦，刺身好肥美特別係三文魚刺身
赤蝦超大隻！完全係粗過我一隻手指
超啖啖肉！
餐廳逢星期二就有任食藍鯨吞拿魚嘅優惠，剛好係我哋book嘅日子
師傅會問你有幾多位，然後根據人數安排刺身俾你，食完係可以再拎嘅，我哋足足叫咗四次
藍鯨吞拿魚充滿油香，魚味濃郁，簡直係刺身中嘅極品
平時食秋葵多數係配芥辣豉油，估唔到配芝麻醬都幾好味
熟食方面都有好多選擇㗎，仲有避風塘系列呀！
呢個係避風塘炒海蝦，海蝦好新鮮，味都有少少辣不過好惹味！
焗蠔都好好味，焗完既蠔唔會太乾身，仲好juice
呢款珍珠奶茶係我中學嘅時候成日飲嘅，難得放題有得任飲，我當然唔會放過啦
甜品方面我就主攻朱古力味嘅甜品，每款甜品都唔會太大件，size剛剛好，所以可以試多幾款
媽咪食完呢餐放題好開心，佢話啲食物好高質素，款式又多，同埋服務員嘅服務態度好好會主動換碟
