影片
更多
2019-05-25
295 瀏覽
昨日，係深水埗行完黃金，第一次係深水埗蕩失路，唔知行左去長沙灣定荔枝角，老婆即時炸型，又熱又出曬汗，經過街角，有間台式飲品店，茶井，即時買杯俾老婆下下火。本身我就唔太多飲台式野，一黎連鎖大間要排好耐隊，二黎台式野黎黎去去咪又係嗰幾款野新意不大，每次都係痴老婆幾啖就算。今次經過呢間獨立小店見佢新簇簇，應該開左唔耐，問過老闆先知開左一個月左右。我地一人嗌左一杯，老婆嗌左高山初露水果茶，而我就叫左我飲開既芝士奶蓋，但佢芝士奶蓋有好多種，老闆推薦我飲黑烏龍。老婆話水果茶同x芳有得比，我都試左一啖，好清新，水果味好出，但又唔會蓋過本身茶味，就算無叫少甜，佢都唔會太甜，水果量亦都好足，值得一試。芝士黑烏龍，芝士奶蓋做得幾厚，芝士味亦都好濃郁，而且好滑。因為本身我好怕黑烏龍茶太苦澀，但經老闆一推薦之下話唔苦好有茶味，老闆果然無講大話，茶味雖然濃厚，但一啲都唔苦澀，當茶滑落喉嚨之後，口腔仲留有茶既回甘同餘香，而且條脷一啲都唔鞋，上品也。飲品價錢比出面連鎖店稍平，希望香港會有更多呢類型既小店生存到，有機會一定會再黎幫襯
本身我就唔太多飲台式野，一黎連鎖大間要排好耐隊，二黎台式野黎黎去去咪又係嗰幾款野新意不大，每次都係痴老婆幾啖就算。
今次經過呢間獨立小店見佢新簇簇，應該開左唔耐，問過老闆先知開左一個月左右。我地一人嗌左一杯，老婆嗌左高山初露水果茶，而我就叫左我飲開既芝士奶蓋，但佢芝士奶蓋有好多種，老闆推薦我飲黑烏龍。
老婆話水果茶同x芳有得比，我都試左一啖，好清新，水果味好出，但又唔會蓋過本身茶味，就算無叫少甜，佢都唔會太甜，水果量亦都好足，值得一試。
芝士黑烏龍，芝士奶蓋做得幾厚，芝士味亦都好濃郁，而且好滑。因為本身我好怕黑烏龍茶太苦澀，但經老闆一推薦之下話唔苦好有茶味，老闆果然無講大話，茶味雖然濃厚，但一啲都唔苦澀，當茶滑落喉嚨之後，口腔仲留有茶既回甘同餘香，而且條脷一啲都唔鞋，上品也。
飲品價錢比出面連鎖店稍平，希望香港會有更多呢類型既小店生存到，有機會一定會再黎幫襯
張貼
