煌府婚宴專門店 (已結業)

同事結婚去飲，坐商場巴士到達，上到電梯大堂，完全見唔到間酒樓，仲以為去錯樓層，入門有條好靚白樓梯，場地好靚！樓底高，店員坐低就招呼飲品！蜜月鴻運乳豬全體：阿熱！皮脆肉嫩！唔會過肥！錦繡鴛鴦蚌：蔬菜爽口，啲蚌太碎！無乜口感百花釀蟹鉗：大大件，夠熱！蝦膠好彈牙！瑤柱鮮菇燴金蔬：瑤柱多，小棠菜爽口，草菇煙韌，味濃仲要唔會過鹹！好味蠔皇原隻鮮鮑：賣相好吸睛，鮑魚彈牙！炆得入味！西蘭花爽口！紅燒竹笙雞絲大生翅：夠熱，夠味！雞絲多，唔嚡！其實翅並唔多！不過最好大家唔食魚翅清蒸大海斑：蒸得幾滑，蔥絲爽口！當紅一品燒雞：皮脆，肉唔嚡！雙喜炆伊麵：煙韌入味！美滿炒飯：乾身煙韌！美點雙輝：桂花榚清甜，杏仁酥香脆百年好合 (紅豆沙)：好濃！紅豆好大粒！煲得透！唔會過甜！正！食物真係唔錯！菜色雖然係正常婚宴菜，但每樣水準都保持到！好味！店員服務正常！上菜收碟正常！仲會同我哋傾偈！我要影食物相都相當配合！有時我傾偈睇唔到上菜，佢會開聲提我！加分！