小娘惹 (已結業)

我係一個幾鐘意食東南亞嘢嘅人，所以見到一啲小店有馬拉菜泰國菜等等嘅東南亞菜式，都忍唔住要試下，今次食嘅係巷仔入面嘅小娘惹。午市時間都有唔少人排隊。餐牌上有嘅菜式都幾多款，不過梗係要試下睇落好豐富既海鮮喇沙。呢一碗喇沙嚟到枱嘅時候， 我同朋友已經心心眼，因為同餐牌上既圖片一樣，圖文相乎，有非常多嘅海鮮配料，仲有我最鍾意食嘅獅蚶同大蝦。湯底飲落非常濃郁，充滿椰香味，質地有啲杰，完全唔似坊間嗰啲溝好多水嘅湯底。 下次可以再試過！