豚王 (新城市廣場) (已結業)

豚王係沙田嘅分店終於開幕下午四點幾，人不太多，等5分鐘到已經有位。不過廚房人手唔知係未唔多夠，落單後等左10分鐘都未有得食叫咗最基本嘅豚王再加玉子，玉子先到，到左5分鐘拉麵先上枱。玉子唔錯，夠味，比香港一蘭更好，但係比日本當然差啲啦，如果中意流心蛋嘅應該好喜歡。麵同湯都叫最standard, 湯好夠熱，夠濃有少少漿口感覺；麵要硬身亦都做到；叉燒十分薄身，如果厚啲會更好；䓤係敗筆，有青臭味，不過呢個可能係貨源問題，都係比個自己去曰本嘅理由，日本嘅䓤真係無呢種青臭味㗎。＄83蚊碗麵加＄17玉子，＄100蚊埋單，沙田區黎講叫超班，如果唔洗等位都可以，要等個幾鐘，新城市有好多食肆仲可以揀。隔離開鼎泰豐，到時仲可以兩邊一齊等，邊面有位食邊面。