麻布茶房 (已結業)

3月26日, 我地去咗jusco食lunch, 有各式各樣嘅日式餐廳, 見麻布茶房冇乜人, 可能相對地冇其他餐廳咁好食, 不過我地之前食過甜品都好好味, 咁啱佢地又有lunch set, 所以我地都入咗去~::: 日式牛肉玉子飯定食 ::: $45.8跟set會有漬物, 前菜同麵豉湯, 漬物同前菜, 都係一d可有可無嘅野, 一d酸酸地嘅菜同蓮藕, 賣相唔討好, 味道都麻麻… 麵豉湯味道偏鹹, 都係用嗰d用滾水即開嘅湯包… 而主角日式牛肉玉子飯唔可以話差, 但係唔特別… 好似吉野家嘅牛肉只係加咗玉子好似唔同咗, 不過老實講牛肉同蛋唔係好夾, 蛋撈飯係好食, 不過牛肉似係分開食先有味道… 凍奶茶嘅奶太過於奶味, 而茶本身好淡, 所以杯奶茶似奶水… 好彩夠凍~::: 咖哩免治肉醬蛋包飯定食 ::: $55.8我個set d漬物, 前菜同麵豉湯基本上同呀比一樣~ 但我個咖哩免治肉醬蛋包飯就吸引好多啦~!! 首先, 貪心同大胃嘅我對於呢個飯嘅份量算係相當滿意~ 濃濃嘅咖哩肉醬雖然肥膩, 但十分惹味!! 蛋包飯個蛋皮煎得剛好~ 唔會過老仲帶少少滑身~ 醬汁同蛋包住軟淋嘅珍珠米食好一流呀~ 正! 好