金源小館 (已結業)

午間在灣仔找朋友取回聖誕禮物後，又差不多到食晏時間，見人流未出現，即時鑽進金源小館。晚飯是吃得多，午飯試過一兩次，水準不錯。如果在12:45前埋單，只不過收$40，算是相宜的價錢。涼瓜炒牛肉尚算大碟，以豆豉來提味是大路做法，斜切令口感更爽，可能未汆水吧，甘味都幾強烈，但個人反而鐘意。例湯是冬瓜湯，幾夠火喉，非常好喝，比起求其沖杯檸茶強得多了。但白飯只有囝囝拳頭咁多，要食飽除非我係小朋友，唯有多來一碗白飯，點知埋單要另加$8，真係妹仔大過主人婆。