影片
更多
2009-01-20
每次行街經過呢度覺得好吸引，所以就決定同男朋友黎嘆個long lunch~ 去到餐廳門口等左一陣先有人招呼我地，餐廳裡面得三成滿，得一檯食石燒…其實有少少擔心，怕自己掌握唔到石燒會overcook哂D食物…唔試過點知睇過D lunch set唔岩食，所以要左兩個自選石燒套餐~ 有自助頭盤同沙律，仲有少量甜品…自選材料我揀左：牛柳，劍魚柳，同l肉眼，男友揀左：牛柳，mixed海鮮同羊架~ 主菜前可以試試頭盤…自助檯上面既野都好靚，唔算好行貨~ 雜菜沙律我冇食，(如果係凱撒就食) 試左薯仔沙律，蘋果沙律同pasta沙律…每款都味道獨特，蘋果好甜，同dressing好夾，最抵讚係每款dressing都好唔同，食得滿足~ 另外cold cuts都唔錯，煙魚類同火腿類都帶鹹香~ 最差係個餐湯，鹹得嗆喉…試左一啖就冇飲喇~自選餐包左一杯特飲，有氣酸酸地既都好refreshing，可以消左D肉既油膩感~兩舊大石同主菜黎到，侍應都好有心機教我地點燒，示範左一堆之後仲建議我地唔好一次過燒，慢慢燒慢慢食~ 另外有海鹽調味~牛柳 - 好厚既肉，因為牛柳係瘦既部位，所以唔想燒得太熟…無可否認塊石頭既高溫真係可
睇過D lunch set唔岩食，所以要左兩個自選石燒套餐~ 有自助頭盤同沙律，仲有少量甜品…自選材料我揀左：牛柳，劍魚柳，同l肉眼，男友揀左：牛柳，mixed海鮮同羊架~ 主菜前可以試試頭盤…自助檯上面既野都好靚，唔算好行貨~ 雜菜沙律我冇食，(如果係凱撒就食) 試左薯仔沙律，蘋果沙律同pasta沙律…每款都味道獨特，蘋果好甜，同dressing好夾，最抵讚係每款dressing都好唔同，食得滿足~ 另外cold cuts都唔錯，煙魚類同火腿類都帶鹹香~ 最差係個餐湯，鹹得嗆喉…試左一啖就冇飲喇~
自選餐包左一杯特飲，有氣酸酸地既都好refreshing，可以消左D肉既油膩感~
兩舊大石同主菜黎到，侍應都好有心機教我地點燒，示範左一堆之後仲建議我地唔好一次過燒，慢慢燒慢慢食~ 另外有海鹽調味~
牛柳 - 好厚既肉，因為牛柳係瘦既部位，所以唔想燒得太熟…無可否認塊石頭既高溫真係可以鎖住肉汁，所以牛柳真係好juicy…不過呢，我真係唔太鍾意食牛柳，因為我覺得肥D既肉有油香又腍D~ 同埋食慣dry-aged既牛肉就嫌呢類牛柳既肉味唔夠重唔夠香…
劍魚柳 - 好驚喜，魚柳肉質頗實但係夠肥，略略燒過之後口感好好，魚好香又唔腥，一定要試試~
肉眼 - 比牛柳腍又夠油脂，唔太厚，雖然肉味唔重，不過幾好味~
羊扒 - 試左一啖，唔算太肥，所以冇羶味…冇羶味點解要食羊？肉質唔係最靚，同埋連骨好難燒…所以效果一般~
海鮮 - 有帶子，青口同魷魚，其中冇一樣真係新鮮既，帶子大大粒燒完效果唔錯，其餘兩款本身冇乜味，所以燒完都唔出色~
其實好難盡情享受食物，因為要好小心咁煮，又唔想煮得太熟，每樣食物既厚薄都唔同，所以次次都估估下…只可以怪自己冇石燒技術，所以覺得好煩好忙…又有油煙一路蒸住堆面，真係好似屋企煮完一餐飯咁…我比較鍾意睇住師傳煮俾我食，或者低難度既日本燒肉店…唯一好處係樣樣食物都一定夠熱囉~
甜品既選擇唔多，brownie做得幾好，放得耐左側面有少少乾，裡面仍然好chewy夠濕，不過朱古力唔夠濃~ 另外bread&butter pudding望到都覺得漏，冇試喇~
埋單 $538
本來有得食又有得玩應該好開心既，無奈石燒唔好玩，我寧願淨係黎食頭盤
果然係一個long lunch，食物質素都值得呢個價錢既，只係呢種食法唔岩我
張貼