🔥🔥🔥🔥🔥（5🔥為最高）
觀塘人氣飯團店——阿杏飯團，長期深受街坊喜愛，主打紫米健康飯團，配料足料又有誠意。每個飯團都係即叫即整，透明櫥窗睇到師傅落料過程，睇得安心又開胃！紫米包住肉鬆、青瓜絲、醃蘿蔔、油條脆脆，口感層次豐富，健康又飽肚。
黑椒雞扒飯團配料塞爆，雞扒醃得入味，黑椒汁濃郁惹味，切半設計方便食，食落非常滿足，啱晒午餐或小食時段！
🌶️ 麻辣肉碎紫米飯團（微辣惹味）
麻辣肉碎屬微辣，唔食得辣都可以放心試！店員見肉碎唔夠，仲主動加條香腸，真係要比個like！整體味道香辣夠惹味，飽肚感十足，性價比高！
🥤 奶蓋Oreo豆乳（加$18配飯團）
估唔到咁好飲！豆乳質地濃稠，甜度啱啱好，仲有Oreo碎咬落香脆，似係被飯團耽誤咗嘅豆乳店，飲完仲想encore！
🥛 奶蓋開心果豆乳（加$18配飯團）
開心果熱潮下，呢杯真係唔可以錯過！淡淡堅果香味，唔會搶走豆乳原味，飲落似堅果豆奶咁滑，口感細膩，好有驚喜！
📍阿杏飯團（觀塘）
觀塘美食 #紫米飯團 #健康之選 #黑椒雞扒 #麻辣肉碎 #豆乳控 #開心果熱潮 #香港飲品 #打卡熱點 #食咗未 #拍拖好去
