鐵板一 (裝修中)

銅鑼灣啲商業大廈其實有好多唔同嘅嘢食，今日同同事就試咗一間係永光中心🏢樓上嘅餐廳。呢間餐廳個名係全英文，食嘅係西餐，正路黎講應該係食西式fine dine 類嘅餐，點之食落先發現原來係一間西式presentation嘅港式茶餐廳餐🤨（簡單啲黎講就係好味啲嘅龍門以fine dine 嘅形式去上碟)。餐廳環境都算唔錯，地方雖然細，但感覺都唔會太迫。嘢食方面，我哋叫咗個白汁豬扒飯🐷、肉醬長通粉同埋有啲似Pepper Lunch嘅蛋鐵板飯，味道其實唔錯，但係價錢（以茶餐廳來講）就真係有啲貴💸（七十幾蚊一個人）。我哋食完先發現原來OpenRice訂位係有八折，仲要其實好容易就訂到，如果有八折，個價錢就茶餐廳價，但enjoy 到fine dine 嘅presentation，性價比都尚算可以😌。