GANTO GELATO (已結業)

其實喺ganto網店開業無耐時已經買食過佢嘅雪糕杯，當時仲係工廠區工場取貨。因為買得越多越平，所以幾乎試晒所有味，但印象中只有開心果味好味，其他味道唔算濃郁，而且冰感比較重，所以見到開實體店都冇興趣去試。但近排見被稱為全港最好味gelato，而且地舖開新店 唔需要工業大廈走廊咁侷促環境排隊，所以決定一試睇吓係咪改善咗😻平日大約12:15去到都有10幾個人排隊，唔算多人，但要等佢哋慢慢試味揀味道、付款都需時。🍦Gelato double $68(1-3 flavors)．西西里開心果網上被熱捧為世一開心果味，見前面每個人都必叫。果然食落好香開心果味，亦有堅果香，中間有開心果碎，質感滑但唔算黏，甜度可接受。．皮埃蒙特榛子見到滿滿的榛子碎碎好吸引，所以揀佢！食落好濃榛子味，每一啖都食到榛子碎，質感同開心果差不多，雖然比較甜，但食得好滿足！．伯爵茶 今個月主題係茶味，所以選擇一款茶味試試。伯爵茶質感較冰感，茶味都算出，不過比較甜，相比起另外兩款口味稍為單調。相比起香港其他gelato店價錢的確平少少，不過新店位置真係比較遠，店舖用落地玻璃彩光度真係很好，不過係窗邊立食都熱，雪糕溶得快，如果排隊