鳥山。商號 (已結業)

其實佢已經開咗一段時間一直都想去。只不過每次經過都見到裏便坐滿人。今日行過，見到冇咩人。於是即刻入咗去。店員好好，解釋佢哋有咩咖啡。我哋揀咗一杯Americano + 一杯 long black，講真其實基本上係冇咩分別老實講佢哋嘅咖啡真係同出邊好唔同算Americano 都好有層次！ 冇hea 俾普通豆！另外佢件人氣芋頭卷都冇呃人，芋頭味好香，蛋糕好鬆軟，唔會係放隔夜！最重要唔算好甜，好配咖啡！整體雖然杯咖啡都要$40，不過真心值得嘅！如果唔多人，環境係好好，服務亦都唔錯，佢哋店員會細心話俾你聽有咩選擇。注意：因為佢哋冇參加 安心出行，所以而家都係限坐兩人，仲有係6:00 close！