泰COOL (鴻圖道) (已結業)

觀塘lunch time真係度度都好多人，今次黎到泰Cool，試吓佢地嘅lunch set先。一去到餐廳門口已經大排長龍，店員見條隊咁長都問大家上唔上樓上，唔等即刻有位。爭分奪秒嘅人類聽到唔洗等即刻有，都嗱嗱林跟大隊上樓。上一層，原來係麻雀房，每4-5個人就開間房，當然都安排同行嘅一間。但係一入房就好大陣煙味🚬，唔食煙嘅人對煙味好敏感，覺得間房好臭，張枱都係麻雀枱，再舖咗層膠袋，就變做飯枱......每間房入面都有一張menu （有lunch set 同飲品）叫咗黃咖喱炸豬扒飯$58 加多$12飲班蘭椰子奶仲叫咗份魚餅$15有4件其實個飯係唔差嘅，好大碟。值得一讚嘅係餸同飯分開上，要幾多汁自己決定。有三大嚿薯仔同豬扒，都已經夠食曬成碟飯傢啦。但其實飯量真係好多。特飲：班蘭椰子奶偏甜魚餅即整，送上枱都仲係熱辣辣，唔錯。除咗環境之外，其實都可以接受。不過下次黎就唔好再揀麻雀房食😫真係好大陣煙味，成個氣氛同泰國菜/lunch都唔係好夾。